السلام عليكم ورحمة الله وبركاته
قول قسم هع
الزبده
بادرعم بالموضوع على طول << ناوي يهذري بعد !!
هذا سلمكم الله << اقول ادخل بالموضوع على طول بس
موظف مرهق ومزاجه مش ولابد خصوصاً
والمايك معلق على رأسه و يستقبل المكالمات:
المكالمه الاولى : شايب
الموظف : الو ..استعلامات الدليل محمد الــ......, مرحبا
الشايب : الو .. ممكن تعطيني رقم عبدالله فهد سعد
الموظف : وين ساكن اخوي لو سمحت
الشايب : ساكن هنا قريب منا .
الموظف : وين قريب منكم بالضبط .
الشايب: يااخوي هنا جنبنا جارنا ماتعرفون رقمه .
الموظف : ياعزيزي انا مادري انت وين .
الشايب : اقول والله ماعندك ماعند جدتي بس .
طوط طوط انقطع الخط
المكالمه الثانيه : صوت ناعم....ياعيني على الدلع السخيف
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه
الموظف : اي فرع تبون رقمه .
الصوت الناعم : تدري ايش فيه فرع النسيم بايخ ؟؟ لأن البيتزا حقتهم توصل بارده ..
وبعدين شكلها خبز تميس
الموظف : بيموت من الضحك بس ساكت (مسوي ثقل )... طيب خذي فرع العليا اجل ..
الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم ياثقل دمك .
طوط طوط انقطع الخط
المكالمه الثالثه : طفل يرفع الضغط << ياكثرهم
الموظف : الو ..استعلامات الدليل محمد الــ......, << كأنه مافي الا هالموظف المسيكين)
مرحبااااااا
الطفل : الووووووو عطني رقم وش اسمه ..هذا..وش اسمه ياربي .. ايه ... حمود بادي فرج
الموظف : طيب خذ رقمه ؟؟؟؟؟؟؟؟؟؟
الطفل : لحظه ابي رقم ثاني بعد .. ابي رقم هذا وش اسمه ... مانع فالح سامي الموظف: طيب خذ رقمه ؟؟؟؟؟؟؟
(ممنوع اكثر من اسم في مكالمه)
الطفل : طيب ابي واحد ثاني هذا رقم ابو نادر عمي سعد .
الموظف : اتصل مره ثانيه لانه ممنوع اكثر من رقم في اتصال واحد .
الطفل : اقول وجع .. يوجع بطنك <<بجاحه ..
ترى مالك فضل ... انا مااكلمك
مجاني اكلم بفلوسي .
الموظف : يطلع من طوره ( اقول اسمع .............) طوط طوط قفل الخط
المكالمه الرابعه : كانت صوت ناعم...غبااء واضح
الموظف : الو ..استعلامات الدليل محمد الــ......, مرحبا
الصوت الناعم : عوافي اخوي .
الموظف : الله يعافيكم يارب ........ ( اول مره احد يعطيه روح معنويه)
الصوت الناعم : لا انا قصدي ابغى مطعم عوافي اللي في العليا .
<<والله يالموظف مالقط وجهه بعد
الموظف : طيب خذي الرقم ؟؟؟؟
المكالمه الخامسه : كانت صوت ناعم اوي..... دلاخه باينه
الموظف : الو ..استعلامات الدليل محمد الــ......, مرحبا
الصوت الناعم : مرحبا اخوي ممكن تعطيني مستشفى العيون للولاده << مسطله !! << مهجدتهم من تذكرت ذي
الموظف : كيف ..؟؟؟؟
الصوت الناعم : مستشفى العيون للولاده .. تسمع يا اصقه<< تنفخ بعد
الموظف : يبي يصرفها المكالمه مسجله طبعا ( هذا رقمه غير معلن )
الصوت الناعم : طيب ضف وجهك . !
طوط طوط انقطع الخط .
المكالمه السادسه : كان صوت ناعم.. بنت....تدربي راسها
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم صيدلية السقاف
الموظف : تفضلي الرقم ؟؟؟؟؟؟؟؟؟
الصوت الناعم : لا لا لا هذا رقم صيدلية السقاف اللي في الروضه
الموظف : طيب ايش فيها .
الصوت الناعم : ماهي زينه ... مايبيعون الا فكس .. << الله من الزحف
والله يا انا رحمت هالموظف ...
موضوع: يوميات موظف استعلامات ( 905 ) !!!! 
الأحد مايو 18, 2008 8:46 pm
